Kryetari i Partisë Demokratike të Kosovës, Bedri Hamza ka pritur sot në takim ambasadoren e SHBA-së në Kosovë, Anu Prattipati.

Përmes një postimi në Facebook, Hamza tha se e vlerëson mbështetjen e SHBA-së për proceset që po kalon vendi, shkruan Arbresh.info.

Postimi i plotë:

Sot e nisa angazhimin tim të ri me partnerët strategjikë. SHBA-ja është aleati kryesor i Kosovës dhe takimin e parë e zhvillova me Ambasadoren Anu Prattipati.

PDK-ja është konstruktive dhe unë do ta vazhdoj praktikën e dialogut, bashkëpunimit dhe kompromisit politik. Vijat tona të kuqe janë të qarta: Kushtetuta dhe ligjet e vendit. Çdo veprim që i cenon këto është i papranueshëm, prandaj sot nuk morëm pjesë në seancën e parë të Kuvendit.

Zgjedhjet e reja janë rruga për të dalë nga kriza dhe e vlerësoj shumë mbështetjen e SHBA-së në proceset që po kalon vendi.

Kosovës i duhet stabiliteti, zhvillimi ekonomik dhe partnerët e saj./Arbresh.info